ડૉ. આંબેડકર મેમોરિયલ વ્યાખ્યાન શ્રેણી અંતર્ગત વિદ્યાર્થીનીઓ માટે પ્રેરણાદાયી માર્ગદર્શન કાર્યક્રમ

કાર્યક્રમની સંક્ષિપ્ત વિગતો

📰અહેવાલ

સૌરાષ્ટ્ર યુનિવર્સિટીના બાબાસાહેબ ડૉ. બી. આર. આંબેડકર ચેર–સેન્ટરના ઉપક્રમે ‘ડૉ. આંબેડકર મેમોરિયલ વ્યાખ્યાન શ્રેણી’ અંતર્ગત રાજકોટની માતુશ્રી વિરબાઈમા મહિલા કોલેજ ખાતે એક વિશેષ વ્યાખ્યાનનું આયોજન કરવામાં આવ્યું હતું.

કાર્યક્રમ દરમિયાન મુખ્ય વક્તા ડૉ. રવિ બી. ધાનાણી (સંશોધન અધિકારી, ચેર–સેન્ટર) દ્વારા “આત્મસન્માન, શિક્ષણ અને સશક્તિકરણ: વિદ્યાર્થીનીઓ માટે ડૉ. આંબેડકરનો સંદેશ” વિષય પર પ્રેરણાદાયી વ્યાખ્યાન આપવામાં આવ્યું હતું. આ ઉપરાંત, તેમણે ચેર–સેન્ટરની સ્થાપના, તેનાં શૈક્ષણિક, સંશોધનાત્મક અને સામાજિક ઉદ્દેશ્યો તેમજ બાબાસાહેબના વિચારોના પ્રચાર-પ્રસાર માટે ચેર–સેન્ટર દ્વારા ચલાવવામાં આવતી વિવિધ પ્રવૃત્તિઓથી વિદ્યાર્થીનીઓને માહિતગાર કર્યા હતા.

💡       વ્યાખ્યાનના મુખ્ય બિંદુઓ

• શિક્ષણ અને આત્મસન્માન: બાબાસાહેબ ડૉ. બી. આર. આંબેડકરના વિચારોના સંદર્ભમાં જીવનમાં શિક્ષણનું અનન્ય મહત્વ અને સ્વમાનપૂર્વક જીવવાની પ્રેરણા વિશે સમજ આપવામાં આવી.
• મહિલા સશક્તિકરણ: સામાજિક પરિવર્તન અને સમાનતા લાવવામાં નારી શક્તિના યોગદાન તથા મહિલા સશક્તિકરણ અંગે માર્ગદર્શન પૂરું પાડવામાં આવ્યું.

• ચેર-સેન્ટરની પ્રવૃત્તિઓ: યુનિવર્સિટીના ચેર-સેન્ટર દ્વારા કરવામાં આવતા સંશોધન અને શૈક્ષણિક કાર્યો વિશે વિસ્તૃત માહિતી શેર કરવામાં આવી.

👥      ઉપસ્થિત મહાનુભાવો

આ કાર્યક્રમમાં કોલેજના સમાજશાસ્ત્ર વિષયના પ્રો. સૌંદરવા સાહેબ, અંગ્રેજી વિષયના પ્રો. ઇરોઝ વાજા સાહેબ તેમજ પ્રો. ગામીત સાહેબ ખાસ ઉપસ્થિત રહ્યા હતા.

આ વ્યાખ્યાનમાં ૧૦૦થી વધુ વિદ્યાર્થીનીઓએ ઉત્સાહપૂર્વક ભાગ લીધો હતો. સમગ્ર આયોજન અત્યંત જ્ઞાનવર્ધક, પ્રેરણાદાયી અને સફળ રહ્યું હતું.

https://www.facebook.com/share/p/1C75ncE4wf/