• કાર્યક્રમ: શૈક્ષણિક મુલાકાત (Educational Visit)

• તારીખ: ૨૩ સપ્ટેમ્બર ૨૦૨૬ (બુધવાર)

• સ્થળ: બાબાસાહેબ ડૉ. બી. આર. આંબેડકર ચેર–સેન્ટર, સૌરાષ્ટ્ર યુનિવર્સિટી, રાજકોટ

• સહભાગી: શ્રી શાંતિનિકેતન કોલેજ (BSW ના વિદ્યાર્થીઓ)

શ્રી શાંતિનિકેતન કોલેજના BSW (બેચલર ઓફ સોશિયલ વર્ક) વિભાગના વિદ્યાર્થીઓ દ્વારા શૈક્ષણિક અને વ્યવસાયિક માર્ગદર્શન મેળવવાના હેતુથી તા. ૨૩ સપ્ટેમ્બર ૨૦૨૬, બુધવારના રોજ સૌરાષ્ટ્ર યુનિવર્સિટી સ્થિત બાબાસાહેબ ડૉ. બી. આર. આંબેડકર ચેર–સેન્ટરની શૈક્ષણિક મુલાકાત લેવામાં આવી હતી.

મુલાકાત દરમિયાન વિદ્યાર્થીઓને ચેર–સેન્ટર દ્વારા હાથ ધરવામાં આવતી વિવિધ શૈક્ષણિક, સંશોધનાત્મક અને સામાજિક પ્રવૃત્તિઓ અંગે વિસ્તૃત માહિતી આપવામાં આવી હતી. મુખ્યત્વે ચેર–સેન્ટરની કામગીરી, સંશોધન પ્રકલ્પો, વ્યાખ્યાનમાળાઓ, વિદ્યાર્થીઓ માટેની વિવિધ શૈક્ષણિક પ્રવૃત્તિઓ તેમજ ડૉ. આંબેડકરના વિચારોના વ્યાપક પ્રસાર માટે હાથ ધરાતી કામગીરી અંગે ગહન માર્ગદર્શન પૂરું પાડવામાં આવ્યું હતું.

આ અવસરે “ડૉ. આંબેડકર અને સમાજકાર્ય” વિષય પર ખાસ ચર્ચા-વિચારણા કરવામાં આવી હતી. ડૉ. આંબેડકરના સમાનતા, સ્વતંત્રતા, બંધુતા, સામાજિક ન્યાય અને માનવ ગૌરવ જેવા ઉમદા વિચારો સમાજકાર્યના મૂળભૂત સિદ્ધાંતો અને મૂલ્યો સાથે કેવી રીતે વણાયેલા છે તે અંગે વિસ્તૃત સમજ આપવામાં આવી હતી.

કાર્યક્રમના અંતમાં વિદ્યાર્થીઓએ બાબાસાહેબના જીવન અને કાર્યમાંથી કયા મૂલ્યો શીખવા જોઈએ તે અંગે ચર્ચા કરવામાં આવી હતી. જેમાં વિદ્યાર્થીઓને નીચે મુજબના વિષયો પર પ્રેરણાદાયી માર્ગદર્શન આપવામાં આવ્યું હતું:

• શિક્ષણ પ્રત્યેની દ્રઢ પ્રતિબદ્ધતા અને વૈજ્ઞાનિક દૃષ્ટિકોણ
• સંઘર્ષશીલતા અને સમયનું મહત્વ
• સંવિધાનિક મૂલ્યોનું જતન
• વંચિત અને પીડિત વર્ગોના સશક્તિકરણ માટે કાર્ય કરવાની નિષ્ઠા

આ શૈક્ષણિક મુલાકાત શ્રી શાંતિનિકેતન કોલેજના વિદ્યાર્થીઓ માટે ડૉ. આંબેડકરના વિચારો અને સમાજકાર્ય વચ્ચેના ઘનિષ્ઠ સંબંધને સમજવા તેમજ સામાજિક જવાબદારીની ભાવના વિકસાવવા માટે અત્યંત ઉપયોગી, જ્ઞાનવર્ધક અને પ્રેરણાદાયી સાબિત થઈ હતી.

https://www.facebook.com/share/p/1DANYZrFkZ/