• કાર્યક્રમ: રાત્રિ સભા (પ્રેરણાદાયી માર્ગદર્શન અને શૈક્ષણિક જાગૃતિ સભા)
• તારીખ: ૨૮ સપ્ટેમ્બર ૨૦૨૬ (સોમવાર)
• સ્થળ ૧: શ્રી ડાલી બાઈ કન્યા છાત્રાલય, ગુરુપ્રસાદ ચોક, રાજકોટ 
• સ્થળ ૨: ઠક્કરબાપા કુમાર છાત્રાલય, યાજ્ઞિક રોડ, રાજકોટ
• આયોજક: બાબાસાહેબ ડૉ. બી. આર. આંબેડકર ચેર–સેન્ટર, સૌરાષ્ટ્ર યુનિવર્સિટી, રાજકોટ

સૌરાષ્ટ્ર યુનિવર્સિટી સ્થિત બાબાસાહેબ ડૉ. બી. આર. આંબેડકર ચેર–સેન્ટર દ્વારા વિદ્યાર્થીઓમાં શૈક્ષણિક જાગૃતિ, બંધારણીય મૂલ્યો અને બાબાસાહેબ આંબેડકરના વિચારોનો વ્યાપક પ્રસાર થાય તેવા ઉદ્દેશ્ય સાથે તા. ૨૮ સપ્ટેમ્બર ૨૦૨૬, સોમવારના રોજ રાજકોટ ના વિવિધ છાત્રાલયો ખાતે 'રાત્રિ સભા'નું વિશેષ આયોજન કરવામાં આવ્યું હતું.

ગુરુપ્રસાદ ચોક ખાતે આવેલા શ્રી ડાલી બાઈ કન્યા છાત્રાલયમાં આયોજિત રાત્રિ સભા દરમિયાન છાત્રાલયની વિદ્યાર્થિનીઓને શિક્ષણનું મહત્વ, મહિલા સશક્તિકરણ, આત્મનિર્ભરતા અને ડૉ. બાબાસાહેબ આંબેડકરના જીવનસંદેશ અંગે વિસ્તૃત માર્ગદર્શન પૂરું પાડવામાં આવ્યું હતું. વિદ્યાર્થિનીઓ ઉચ્ચ શિક્ષણ મેળવી સમાજ અને રાષ્ટ્ર નિર્માણમાં પોતાનું સક્રિય યોગદાન આપે તે માટે વિશેષ પ્રોત્સાહિત કરવામાં આવી હતી.

           યાજ્ઞિક રોડ સ્થિત ઠક્કરબાપા કુમાર છાત્રાલયખાતે યોજાયેલ રાત્રિ સભામાં વિદ્યાર્થીઓને અભ્યાસ પ્રત્યેની સમર્પિતતા, શિસ્ત, કારકિર્દીના વિવિધ ક્ષેત્રો અને ભવિષ્યની રોજગારીની તકો અંગે ઉપયોગી માહિતી આપવામાં આવી હતી. આ સાથે સમાજમાં સામાજિક ન્યાય, સમાનતા અને સમરસતાના નિર્માણ માટે આંબેડકર વિચારધારાની પ્રાસંગિકતા સમજાવવામાં આવી હતી.

આ બંને રાત્રિ સભાઓ દરમિયાન વિદ્યાર્થીઓને બાબાસાહેબના અમર સંદેશ "શિક્ષિત બનો, સંગઠિત રહો, સંઘર્ષ કરો" ની ગૂઢ સમજ આપવામાં આવી હતી. વિદ્યાર્થીઓ પોતાના શૈક્ષણિક વિકાસની સાથે સામાજિક જવાબદારીની ભાવના પણ કેળવે તે અંગે અર્થસભર ચર્ચા-વિચારણા કરવામાં આવી હતી.

રાજકોટના શ્રી ડાલી બાઈ કન્યા છાત્રાલય અને ઠક્કરબાપા કુમાર છાત્રાલય ખાતે યોજાયેલી આ રાત્રિ સભાઓ વિદ્યાર્થીઓ અને વિદ્યાર્થિનીઓ માટે અત્યંત પ્રેરણાદાયી, માર્ગદર્શક અને શૈક્ષણિક દ્રષ્ટિએ અત્યંત લાભદાયી રહી હતી.

https://www.facebook.com/share/p/1CFt1EuD7y/