તારીખ ૧૮ ઓગસ્ટ ૨૦૨૬ના રોજ વિભાગમાં સેમેસ્ટર-૧ના નવા પ્રવેશીત વિદ્યાર્થીઓ માટે સ્નેહપૂર્ણ ‘વેલકમ ફંક્શન’ યોજાયું હતું. આ કાર્યક્રમનું સંચાલન પી.એચ.ડી. સ્કોલર્સ અને સેમેસ્ટર-૩ના વિદ્યાર્થીઓ દ્વારા કરવામાં આવ્યું હતું. ભવનના અધ્યક્ષ  ડૉ. જયશ્રી એમ. નાયક, ડૉ. ભરત એમ. ખેર, ડૉ. રાકેશ ડી. ભેદી અને ડૉ. વિપુલ એસ. આડતિયા  સહિત કાર્યક્રમમાં નવા વિદ્યાર્થીઓને ભવનની પરંપરાઓ, નિયમો તથા પૂર્વ વિદ્યાર્થીઓની GPSC, NET અને SLET જેવી ગૌરવપૂર્ણ સિદ્ધિઓથી માહિતગાર કરવામાં આવ્યા હતા. પ્રેરણાદાયી વિડીયો ક્લિપ્સ અને અધ્યાપકોના માર્ગદર્શન દ્વારા વિદ્યાર્થીઓમાં નવો ઉત્સાહ જગાવવામાં આવ્યો હતો. અંતે, સૌએ સાથે મળીને સમૂહ ભોજનનો આનંદ માણ્યો હતો અને પરંપરાગત રાસ-ગરબાની રમઝટ સાથે કાર્યક્રમની યાદગાર પૂર્ણાહુતિ થઈ હતી.