સમાજશાસ્ત્ર ભવન દ્વારા તારીખ ૧૦/૧૨/૨૦૨૫ બુધવારના રોજ રાજકોટના પ્રાદેશિક દન્તોપંત ઠેન્ગડી રાષ્ટ્રીય બોર્ડ શ્રમ શિક્ષણ  અને વિકાસના ઓફિસર મોહનચંદ સેન દ્વારા કરિયર ગાઈડન્સ પ્રોગ્રામ વિષય પર વ્યાખ્યાન યોજાયું હતું.  જેમાં કાર્યક્રમની શરૂઆતમાં સમાજશાસ્ત્ર ભવનના પ્રાધ્યાપક ડૉ. રાકેશ ભેદી દ્વારા પુષ્પગુચ્છ, બુક અને શબ્દોથી તેમનું સ્વાગત કર્યું હતું.  ત્યારબાદ મોહનચંદ સેન  દ્વારા તેમનાં વ્યાખ્યાનમાં તેમણે સમાજશાસ્ત્રના વિદ્યાર્થીઓમાં રહેલી કૌશલ્યતા ને ઉજાગર કરવા માટેના પ્રયાસો કાર્યા હતા તેમજ કારકિર્દીના વિવિધ ક્ષેત્રો અને આજના સ્પર્ધાત્મક યુગમાં ટકી રહેવા માટે વિદ્યાર્થીઓએ કયા પ્રકારની કોશલ્યતા શીખવી જોઈએ તેમની  વિદ્યાર્થીઓને ઉંડાણપૂર્વક અને તલસ્પર્શી માહિતી  આપી હતી. અંતે ભવનના પ્રાધ્યાપક  ડૉ. વિપુલ આડતીયા દ્વારા આભારવિધિ કરીને કાર્યક્રમને પરિપૂર્ણ કર્યો હતો. આ સંપૂર્ણ કાર્યક્રમને પરિપૂર્ણ કરવા માટે ભવનના અનુસ્નાતકના વિદ્યાર્થીઓ તેમજ પીએચ. ડી. ના વિદ્યાર્થીઓ દ્વારા ભારે જહેમત ઉઠાવી હતી.