તા. 06/04/2026ના રોજ ઇતિહાસ અનુસ્નાતક ભવન ખાતે વિદ્યાર્થીઓને પ્રોત્સાહન, માર્ગદર્શન તથા સમગ્ર વર્ષ દરમિયાન વિવિધ પ્રવૃત્તિઓ અને સ્પર્ધાઓમાં ભાગ લઇ સિદ્ધિઓ હાંસલ કરનાર વિદ્યાર્થીઓને પ્રમાણપત્રોનું વિતરણ કરવા માટે એક ભવ્ય કાર્યક્રમ યોજાયો હતો.

કાર્યક્રમમાં વિશેષ ઉપસ્થિતિ તરીકે ડૉ. રાજા કાથડ (ડો. બાબાસાહેબ આંબેડકર ચેર સેન્ટરના ચેરમેન અને સંસ્કૃત ભવનના અધ્યક્ષ) તેમજ ડૉ. રવિભાઇ હાજર રહ્યા હતા.

ડૉ. રાજા કાથડે પોતાના પ્રેરણાદાયી ઉદબોધનમાં વિદ્યાર્થીઓને જીવનમાં સિદ્ધિ પ્રાપ્ત કરવા માટે કઠોર મહેનત અને સ્પષ્ટ લક્ષ્ય નિર્ધારણનું મહત્વ સમજાવ્યું. તેમણે ખાસ કરીને જણાવ્યું કે માસ્ટર અભ્યાસ પછીના 2 થી 3 વર્ષ ખૂબ જ મહત્વપૂર્ણ હોય છે અને આ સમયગાળામાં તનતોડ મહેનત કરીને કારકિર્દીનું મજબૂત ધડતર કરવું જોઈએ, જેથી જીવનમાં સફળતા પ્રાપ્ત થાય.

ડૉ. રવિભાઇએ ડૉ. બાબાસાહેબ આંબેડકર ચેર સેન્ટરની વિવિધ પ્રવૃત્તિઓ અને તેની કામગીરી વિશે વિદ્યાર્થીઓને માહિતગાર કર્યા.

કાર્યક્રમમાં ઇતિહાસ ભવનના અધ્યક્ષ ડૉ. કલ્પાબેન દ્વારા પણ પ્રાસંગિક ઉદબોધન આપવામાં આવ્યું, જેમાં વિદ્યાર્થીઓને વધુ પ્રગતિ માટે પ્રેરણા આપવામાં આવી.

કાર્યક્રમનું સંચાલન તથા મહેમાનોનું સ્વાગત   કરવામાં  ડૉ. જીતેશ સાંખટ દ્વારા કરવામાં આવેલ આ કાર્યક્રમ મા કિશોરભાઈ. પ્રશાંત ભાઈ હેતલ બેન પણ હાજર રહેલા, જ્યારે આભારવિધિ ડૉ. શૈલેષભાઇ લાવડીયા દ્વારા વ્યક્ત કરવામાં આવી હતી.

કાર્યક્રમ અંતે વિદ્યાર્થીઓમાં ઉત્સાહ અને પ્રેરણાનું સકારાત્મક વાતાવરણ સર્જાયું હતું.