સમાજશાસ્ત્ર ભવન ખાતે તારીખ ૧૮/૦૩/૨૦૨૬  બુધવારના રોજ ભવનના સેમેસ્ટર ૪ વર્ષના વિદ્યાર્થીઓ માટે વિદાય સમારંભનું ભાવસભર આયોજન કરવામાં આવ્યું હતું. કાર્યક્રમની શરૂઆત ભવનના પ્રાધ્યાપકો દ્વારા વિદ્યાર્થીઓને ભાવિ જીવનમાં સફળતા મેળવવા અને સમાજશાસ્ત્રના જ્ઞાનનો લોકકલ્યાણ માટે ઉપયોગ કરવા પ્રેરણાદાયી માર્ગદર્શનરૂપી આશીર્વાદ તેમજ શુભેચ્છાઓ પાઠવી હતી. આ પ્રસંગે વિદ્યાર્થીઓએ ભવનમાં વિતાવેલા શૈક્ષણિક વર્ષોના સંસ્મરણો વાગોળ્યા હતા અને જુનિયર વિદ્યાર્થીઓ દ્વારા સીનિયર્સ માટે મનોરંજક કાર્યક્રમો રજૂ કરવામાં આવ્યા હતા. ભવનના સેમેસ્ટર ૨ ના વિધ્યાર્થી દ્વારા આભારવિધિ વ્યક્ત કરવામાં આવી હતી અને સમૂહ ભોજન અને રાસ-ગરબા સાથે કાર્યક્રમની પૂર્ણાહુતિ થઈ હતી. સમગ્ર કાર્યક્રમને સફળ બનાવવા માટે ભવનના પીએચ.ડી. અને અનુસ્નાતકના વિદ્યાર્થીઓએ ભારે જહેમત ઉઠાવી હતી.