સમાજશાસ્ત્ર ભવન દ્વારા તારીખ ૧૩/૦૭/૨૦૨૬ સોમવારના રોજ જ્ઞાન સુધા મણકો ૨૮ અંતર્ગત સેન્ટર ફોર સોશિયલ સ્ટડીના નિવૃત પ્રોફેસર વિમલ ત્રિવેદી દ્વારા રિસર્ચ રિપોર્ટ કઈ રીતે લખવો તેમના પર વ્યાખ્યાન યોજાયું હતું. તેમણે પોતાના વ્યાખ્યાનમાં રિસર્ચ રિપોર્ટના જુદા જુદા સ્ટેપ અંતર્ગત રિવ્યૂ ઓફ લિટરેચર, માહિતીના પ્રકાર તરીકે નોમિનલ, ઓર્ડિનલ, ઇન્ટરવલ અને રેશિયો અને વર્ણનાત્મક અને વિશ્લેષણાત્મક રિસર્ચ વગેરે વિશે વિદ્યાર્થીઓને ઉંડાણપૂર્વક અને તલસ્પર્શી માહિતી આપી હતી. અંતે ભવનના પ્રાધ્યાપક  ડો. રાકેશ ભેદી દ્વારા આભારવિધિ કરીને કાર્યક્રમને પરિપૂર્ણ કર્યો હતો. આ સંપૂર્ણ કાર્યક્રમને પરિપૂર્ણ કરવા માટે ભવનના અનુસ્નાતકના વિદ્યાર્થીઓ તેમજ પીએચ. ડી. ના વિદ્યાર્થીઓ દ્વારા ભારે જહેમત ઉઠાવી હતી.