સમાજશાસ્ત્ર ભવન દ્વારા તારીખ ૩૧/૦૭/૨૦૨૬ના રોજ ગુજરાતના પ્રશિષ્ટ સમાજશાસ્ત્રી ઈશ્વરલાલ પ્રાગજીલાલ દેસાઈ (આઈ.પી. દેસાઈ) ની ૧૧૫મી જન્મજયંતી નિમિત્તે વિશેષ કાર્યક્રમનું આયોજન કરવામાં આવ્યું હતું. કાર્યક્રમનો સમય બપોરે ૦૨:૦૦ થી ૦૩:૦૦ વાગ્યાનો રાખવામાં આવ્યો હતો.
સૌપ્રથમ ડો. ભરત એમ. ખેર સર દ્વારા આઈ.પી. દેસાઈ (૧૯૧૧ થી ૧૯૮૫) ના જીવન અને તેમના સામાજિક યોગદાન વિશે પ્રાસંગિક વક્તવ્ય આપી કાર્યક્રમની શરૂઆત કરવામાં આવી હતી.
ત્યારબાદ ડો. રાકેશ ભેદી સર દ્વારા વિદ્યાર્થીઓને આઈ.પી. દેસાઈના સમાજશાસ્ત્રીય પ્રદાન, ભારતીય કુટુંબ વ્યવસ્થા પરના તેમના સંશોધનો અને સામાજિક ક્ષેત્રે તેમના વિચારો વિશે ઊંડાણપૂર્વક માહિતી પૂરી પાડવામાં આવી હતી.
ત્યારબાદ પીએચ.ડી. ના વિદ્યાર્થીઓ અને અનુસ્નાતકના વિદ્યાર્થીઓએ આઈ.પી. દેસાઈના જીવન કવન, તેમના પુસ્તકો અને સમાજશાસ્ત્રમાં તેમના મહત્વપૂર્ણ યોગદાન ઉપર પોતપોતાના વ્યાખ્યાન અને વિચારો રજૂ કર્યા હતા.
અંતમાં ડો. વિપુલ એસ. આડતીયા સર દ્વારા આઈ.પી. દેસાઈના વિચારોને જીવનમાં ઉતારવાની પ્રેરણા સાથે કાર્યક્રમને પરિપૂર્ણ કરવામાં આવ્યો હતો. આ સંપૂર્ણ કાર્યક્રમને સફળતાપૂર્વક પરિપૂર્ણ કરવા માટે ભવનના પીએચ.ડી. ના વિદ્યાર્થીઓ દ્વારા સુંદર આયોજન કરવામાં આવ્યું હતું.