સમાજશાસ્ત્ર ભવનમાં એમ.એ. સેમેસ્ટર-૧ માં નવો પ્રવેશ મેળવનાર તમામ વિદ્યાર્થીઓ માટે એક સુંદર સ્વાગત કાર્યક્રમનું આયોજન કરવામાં આવ્યું હતું.
કાર્યક્રમની શરૂઆતમાં ભવનના અધ્યક્ષ ડો. જયશ્રી એમ. નાયક તથા ડો. ભરત એમ. ખેર સર દ્વારા નવા આવેલા તમામ વિદ્યાર્થીઓનું સ્વાગત કરવામાં આવ્યું હતું અને તેમના આગળના અભ્યાસ તેમજ ઉજ્જવળ ભવિષ્ય માટે શુભકામનાઓ આપવામાં આવી હતી.
ત્યારબાદ ડો. રાકેશ ભેદી સર દ્વારા નવા વિદ્યાર્થીઓને ભવનની પરંપરાઓ, નિયમો અને ભણવાની પદ્ધતિ વિશે સરળ શૈલીમાં માહિતગાર કરવામાં આવ્યા હતા.
આ પછી આપણી ભારતીય પરંપરા મુજબ સિનિયર વિદ્યાર્થીઓ (સેમેસ્ટર-૩ અને પીએચ.ડી.ના વિદ્યાર્થીઓ) દ્વારા નવા પ્રવેશ મેળવેલ તમામ ભાઈ-બહેનોને કંકુનો ચાંદલો કરીને ઉષ્માભર્યું સ્વાગત કરવામાં આવ્યું હતું.
અંતમાં ડો. વિપુલ એસ. આડતીયા સર દ્વારા નવા વિદ્યાર્થીઓને કોઈ પણ જાતના સંકોચ વગર મન લગાવીને અભ્યાસ કરવાની પ્રેરણા આપીને કાર્યક્રમ પૂર્ણ કરવામાં આવ્યો હતો. આ સમગ્ર કાર્યક્રમને યાદગાર અને સફળ બનાવવા માટે સેમેસ્ટર-૩ ના વિદ્યાર્થીઓએ ખૂબ જ ઉત્સાહપૂર્વક સાથ-સહકાર આપ્યો હતો.