આ પ્રસંગે માનનીય કુલપતિશ્રીએ જણાવ્યું હતું કે, “આ પ્રકારની ડિજિટલ પહેલ યુનિવર્સિટીમાં ટેક્નોલોજીના ઉપયોગને પ્રોત્સાહન આપવાની સાથે લાઇબ્રેરી સેવાઓને વધુ સ્માર્ટ અને કાર્યક્ષમ બનાવવામાં મદદરૂપ થશે. લાઇબ્રેરીમાં વિદ્યાર્થીઓની હાજરી અને ઉપયોગ અંગે ઉપલબ્ધ ડેટાના વિશ્લેષણ દ્વારા ડેટા-ડ્રિવન ડિસિઝન મેકિંગ શક્ય બનશે, જે ભવિષ્યમાં લાઇબ્રેરીની સેવાઓ અને સુવિધાઓના આયોજન માટે ખૂબ જ ઉપયોગી સાબિત થશે.”

આ સિસ્ટમના ડિઝાઇન અને ડેવલપમેન્ટ શ્રી શિવમ મોરડિયા, ટેક્નિકલ આસિસ્ટન્ટ (લાઇબ્રેરી), સેન્ટ્રલ લાઇબ્રેરી, સૌરાષ્ટ્ર યુનિવર્સિટી, રાજકોટ દ્વારા મહત્વપૂર્ણ ભૂમિકા ભજવવામાં આવી છે. આ પ્રસંગે તેમણે જણાવ્યું હતું કે, “સૌરાષ્ટ્ર યુનિવર્સિટીના વિવિધ સંલગ્ન કોલેજોના લાઇબ્રેરિયન તથા લાઇબ્રેરી વ્યવસાય સાથે સંકળાયેલા શિક્ષણવિદોને પણ પોતાની સંસ્થાની લાઇબ્રેરીમાં આવી ડિજિટલ એન્ટ્રી-એક્ઝિટ સિસ્ટમનો અમલ કરવા માટે પ્રોત્સાહિત કરવામાં આવે છે. આવી સિસ્ટમના અમલીકરણથી લાઇબ્રેરી ઉપયોગ અંગે વિશ્વસનીય અને ચોક્કસ ડેટા ઉપલબ્ધ થશે, જે વિદ્યાર્થીઓની લાઇબ્રેરી ઉપયોગની પેટર્નને સમજવામાં તેમજ લાઇબ્રેરી સેવાઓ અને સુવિધાઓના વધુ અસરકારક આયોજનમાં મદદરૂપ થશે. આ પ્રકારની ડિજિટલ પહેલ દ્વારા લાઇબ્રેરી વ્યવસ્થાપનમાં ડેટા-ડ્રિવન ડિસિઝન મેકિંગને પ્રોત્સાહન મળશે.”

સૌરાષ્ટ્ર યુનિવર્સિટીની સેન્ટ્રલ લાઇબ્રેરી દ્વારા કરવામાં આવેલી આ સંસ્થામાં જ ડિઝાઇન અને ડેવલપ કરવામાં આવેલી ઓપન સોર્સ ડિજિટલ પહેલ ડિજિટલ લાઇબ્રેરી સેવાઓ, સ્માર્ટ લાઇબ્રેરી અને ડેટા-ડ્રિવન લાઇબ્રેરી મેનેજમેન્ટ તરફનું એક મહત્વપૂર્ણ પગલું છે.

આ કાર્યક્રમને સફળ બનાવવા માટે સેન્ટ્રલ લાઇબ્રેરી દ્વારા સુચારુ આયોજન અને સઘન મહેનત કરવામાં આવી હતી, જેના પરિણામે કાર્યક્રમ સફળતાપૂર્વક સંપન્ન થયો હતો.