૧૧ સપ્ટેમ્બરના રોજ ભવનમાં સેમેસ્ટર-૧ અને સેમેસ્ટર-૩ના વિદ્યાર્થીઓ દ્વારા ઉત્સાહપૂર્વક ‘શિક્ષક દિન’ની ઉજવણી કરવામાં આવી હતી. આ દિવસે વિદ્યાર્થીઓએ એક દિવસ માટે અધ્યાપકની ભૂમિકા ભજવી વર્ગખંડોમાં રસપ્રદ લેક્ચર્સ લીધા હતા, જ્યારે એક વિદ્યાર્થીએ હેડ બની સમગ્ર ભવનનું સંચાલન અને વહીવટ કુશળતાપૂર્વક સંભાળ્યો હતો. વિદ્યાર્થીઓએ ખૂબ જ સુંદર રીતે સમગ્ર દિવસનું આયોજન પૂર્ણ કર્યું હતું. શ્રેષ્ઠ શિક્ષણકાર્ય અને ઉત્કૃષ્ટ પ્રદર્શન કરનારનું મૂલ્યાંકન કરી તેમને ક્રમાંક આપી પ્રોત્સાહિત તેમજ સન્માનિત કરવામાં આવ્યા હતા.કાર્યક્રમના અંતે ડૉ. ભરત એમ. ખેર સાહેબે પ્રેરક માર્ગદર્શન અને આશીર્વચન પાઠવ્યા હતા, જેની સાથે આ યાદગાર કાર્યક્રમની સફળ પૂર્ણાહુતિ થઈ હતી.