તા.૨૨-૨૩.૯.૨૦૨૬ નાં રોજ ભારતીય સમુદાય શિક્ષણ સંઘ: અમદાવાદ અને સમાજકાર્ય ભવન , સૌરાષ્ટ્ર યુનિવર્સીટી , રાજકોટ દ્રારા “ગાંધી વિચારધારાનું સમાજકાર્ય” વિષય પર  બે દિવસીય કાર્યશાળાનું આયોજન કરવામાં આવેલ હતું.

        જેમાં તા.૨૨.૯.૨૦૨૬ નાં રોજ પ્રથમ દિવસે ભારતીય પરંપરા મુજબ દીપ પ્રાગટ્ય દ્રારા કાર્યક્રમ ની શરૂઆત કરવામાં આવેલ હતી. ત્યારબાદ ભવન અધ્યક્ષશ્રી ડો.રાજુભાઈ દવે દ્રારા મહેમાનોનું શબ્દોથી સ્વાગત કરવામાં આવેલ હતું. અને ત્યારબાદ મહેમાનોનું સુતરની આટી અને શ્રીફળ થી સ્વાગત કરવામાં આવેલ હતું.પછીથી “ Huminities and Social Sciences” ફેકલ્ટીના ડીન શ્રી ડો.યજ્ઞેશભાઈ જોષી પણ ઉપસ્થિત રહ્યા અને તેમને પણ પોતાના વિચારો રજુ કરેલ હતા.

ઉદ્ઘાટન સત્ર બાદ ભારતીય સમુદાય શિક્ષણ સંઘ માંથી આવેલ  ડો.અશોકભાઈ પટેલ કે જેઓ માં ગુજરાત વિદ્યાપીઠ સમાજકાર્ય વિષયના અધ્યાપક તરીકે પણ ફરજ બજાવતા હતા. તેઓએ નવી શિક્ષણ નીતિ, નઈ તાલીમ તથા ગાંધીજીનો શિક્ષણ પ્રત્યેનો અભિગમ વિષે ઊંડાણ પૂર્વકની માહિતી PPT દ્રારા  વિદ્યાર્થીઓને માહિતી આપી હતી.

પછી થી ભારતીય સમુદાય શિક્ષણ સંઘ માંથી આવેલ શ્રી ડો.વિપીનભાઈ મકવાણા તેઓ પણ ગુજરાત વિદ્યાપીઠમાં  સમાજકાર્ય વિષયના અધ્યાપક તરીકે પણ ફરજ બજાવતા હતા. તેઓએ ગાંધીજી યુવાનોનાં પ્રેરણા સ્ત્રોત વિષય પર માહિતી આપી હતી.

        પ્રથમ દિવસના અંતિમ સેશનમાં ગુજરાત વિદ્યાપીઠનાં પૂર્વ કુલપતિશ્રી અને સૌરાષ્ટ્ર યુનિવર્સીટી નાં કેમેસ્ટ્રી ભવનના પૂર્વ અધ્યક્ષશ્રી ડો. અનામીક્ભાઈ શાહ પણ ઉપસ્થિત રહ્યા હતા. અને તેમણે વિદ્યાર્થીઓને રચનાત્મક કાર્યક્રમ કરતી ગુજરાતની મહત્વની સંસ્થાઓ, પરિચય , કાર્ય પદ્ધતિ અને તેની અસરો વિશેની માહિતી આપી હતી.

        અંતમાં સૌ આભાર માની પ્રથમ દિવસનું સમાપન કરેલ હતું. સમાજકાર્ય ભવન નાં વિદ્યાર્થીઓ અને ઈતિહાસ ભવનનાં વિદ્યાર્થીઓ પણ આ કાર્યક્રમમાં જોડાયા હતા.