સમાજશાસ્ત્ર ભવન દ્વારા તારીખ ૩૧/૦૭/૨૦૨૫ ગુરૂવારના રોજ નવા પ્રવેશ લીધેલ વિદ્યાર્થીઓનો સ્વાગત સમારંભ તેમજ જીસેટ તથા નેટ અને રેમીડિયલ વર્ગોના ઉદઘાટન  કાર્યક્રમમાં કરવામાં આવ્યો હતો. આ દિવસને યાદગાર બનાવવા માટે ભવન દ્વારા બોર્ડ ઓફ મેનેજમેન્ટના સભ્ય તથા મેનેજમેન્ટ ડિપાર્ટમેન્ટના અધ્યક્ષ  ડો. સંજય ભાયાણી તેમજ સીસીડીસીના ચેરમેન ડોક્ટર નિકેશ શાહ બંને મહાનુભાવોને આમંત્રિત કર્યા હતા અને ભવનના વિદ્યાર્થીઓને શુભેચ્છાઓ પાઠવી હતા. સૌપ્રથમ ભવનના પ્રાધ્યાપક  ડો. ભરત એમ. ખેર દ્વારા વિદ્યાર્થીઓને અને મહેમાનોનું હાર્દિક સ્વાગત કરીને કાર્યક્રમની રૂપરેખા પૂરી પાડવામાં આવી.  તેમજ ભવનની જુદી જુદી પ્રવૃત્તિઓનો  પરિચય કરાવ્યો હતો.  ત્યારબાદ સેમેસ્ટર ૪ના વિદ્યાર્થીઓ દ્વારા વિવિધ સાંસ્કૃતિક કાર્યક્રમો કરવામાં આવ્યા હતા. અને ત્યારબાદ ભવનના સેમેસ્ટર ૪ના વિદ્યાર્થી દ્વારા કાર્યક્રમની આભારવિધિ  કરવામાં આવી હતી. ત્યારબાદ સમૂહ ભોજન અને રાસ-ગરબા સાથે કાર્યક્રમની પૂર્ણાહુતિ થઈ હતી. સમગ્ર કાર્યક્રમને સફળ બનાવવા માટે ભવનના પીએચ.ડી. અને અનુસ્નાતકના વિદ્યાર્થીઓએ ભારે જહેમત ઉઠાવી હતી.