તા.૨૩.૯.૨૦૨૬ નાં રોજ ભારતીય સમુદાય શિક્ષણ સંઘ: અમદાવાદ અને સમાજકાર્ય ભવન , સૌરાષ્ટ્ર યુનિવર્સીટી , રાજકોટ દ્રારા “ગાંધી વિચારધારાનું સમાજકાર્ય” વિષય પર  બે દિવસીય કાર્યશાળાનું આયોજન કરવામાં આવેલ હતું.

શ્રી ડો.મનોજભાઈ પરમાર કે જેઓ હાલ  ગુજરાત વિદ્યાપીઠમાં  સમાજકાર્ય ભવનમાં અધ્યક્ષ તરીકે ફરજ બજાવી રહ્યા છે .તેઓનું શબ્દોથી સ્વાગત કર્યા બાદ શ્રી ચાંદનીબેન દ્રારા સુતર ની આંટી થી સ્વાગત કરવામાં આવેલ અને ત્યારબાદ ઈતિહાસ ભવનમાંથી આવેલ ફેકલ્ટી શ્રી ડો.જીતેશભાઈ સાંખટ નું સ્વાગત શ્રી મયુરભાઈ દ્રારા કરવામાં આવેલ હતું.

ભારતીય સમુદાય શિક્ષણ સંઘ માંથી આવેલ  ડો.અશોકભાઈ પટેલ અને ડો.વિપીનભાઈ મકવાણાઅને હિરલબેન અને ચાંદનીબેન બધાએ સાથે મળીને જુથકાર્ય ની રજૂઆત અને ચર્ચા કરેલ હતી જેમાં વિદ્યાર્થીઓએ ખુબ જ સારી સહભાગી બન્યા હતા.

ત્યારબાદ શ્રી ડો.મનોજભાઈ પરમાર કે જેઓ હાલ  ગુજરાત વિદ્યાપીઠમાં  સમાજકાર્ય ભવનમાં અધ્યક્ષ તરીકે ફરજ બજાવી રહ્યા છે . તેઓએ ગાંધીવિચારધારા અને સમાજકાર્ય ,તથા ગાંધીજીના ૧૧ વ્રતો :આધુનિક સમાજના સંદર્ભમાં વિષય પર વિદ્યાર્થીઓને રમત એટલેકે જ્ઞાન ની સાથે રમત રમાડી સરળ ભાષામાં માહિતી આપી હતી.

        અંતમાં વિદ્યાર્થીઓ દ્દારા અભિપ્રાય આપવામાં આવેલ હતા. અને અંતે  સૌનો  આભાર માની દિવસનું સમાપન કરેલ હતું. સમાજકાર્ય ભવન નાં વિદ્યાર્થીઓ અને ઈતિહાસ ભવનનાં વિદ્યાર્થીઓ પણ આ કાર્યક્રમમાં જોડાયા હતા.