વિશ્વ વારસા દિવસ નિમિત્તે રાજકોટમાંભારતીય ડાક India Post-Rajkot postal Region in collaboration with INTACH Rajkot Chapter and P.G.Department of History, Saurashtra university દ્વારા હેરિટેજ વોકનું સુંદર તથા રોચક માહિતી સભર આયોજન  કરવામાં આવ્યું હતું.

વિશ્વ વારસા દિવસના અવસરે રાજકોટ શહેરમાં ઇતિહાસ અને વારસાની જાગૃતિ વધારવાના ઉદ્દેશ સાથે માહિતીસભર અને રસપ્રદ હેરિટેજ વોકનું આયોજન કરવામાં આવ્યું હતું. આ કાર્યક્રમનો મુખ્ય હેતુ યુવા પેઢી અને નાગરિકોમાં પોતાના શહેરના ઐતિહાસિક વારસા પ્રત્યે ગૌરવ ભાવ જગાડવાનો અને સંસ્કૃતિ સંરક્ષણ અંગે જાગૃતિ ફેલાવવાનો હતો.

આ હેરિટેજ વોકનો રૂટ રાજકોટના જયુબેલી બાગમાં આવેલ બેન્ડ સ્ટેન્ડ, વોટસન મ્યુઝીયમ, લેંગ લાયબે્રી, કોનોટ હોલ ,અતિપ્રસિદ્ધ ઐતિહાસિક સ્મારક મહાત્મા ગાંધી મ્યુઝીયમ,ભાવનગરનો ઉતારો , લાખાજીરાજ લાયબે્રીથી હેડ પોસ્ટ ઓફીસ સુધી રાખવામાં આવ્યો હતો. આ યાત્રામાં શહેરના ઇતિહાસપ્રેમી, વિદ્યાર્થીઓ, પ્રાધ્યાપકો તેમજ જાગૃત નાગરિકો સહિત આશરે ૧૫૦ જેટલા ભાઈઓ અને બહેનો ઉત્સાહપૂર્વક જોડાયા હતા. સમગ્ર કાર્યક્રમ દરમિયાન ભાગ લેનારાઓમાં ઉત્સાહ અને જિજ્ઞાસા સ્પષ્ટપણે જોવા મળી હતી.

હેરિટેજ વોકમાં સૌરાષ્ટ્ર યુનિવસિઁટીના ઈતિહાસ ભવનના અધ્યક્ષ ડો. કલ્પાબેન માણેક અને ઇન્ટેકના કન્વીનર રીદ્ધીબેન  શાહ RJ Devarsh વગેરેએ  માર્ગદર્શન આપ્યું હતું, તેમણે રાજકોટના  વૈવિધ્યસભર અને સમૃદ્ધ ઇતિહાસની વિશેષતાઓ વગેરેની વાતો  સરળ અને રસપ્રદ શૈલીમાં રજૂ કરી, શહેરના વિકાસક્રમ, સાંસ્કૃતિક વારસા અને શાસનવ્યવસ્થાના વિવિધ પાસાઓ પર પ્રકાશ પાડ્યો હતો. માર્ગમાં આવેલાં ઐતિહાસિક બંગલાઓ, માર્ગોના નામોની ઉત્પત્તિ, પ્રાચીન શહેરી આયોજન અને ભૂતકાળની નાગરિક વ્યવસ્થાઓ વિશે તેમણે વિસ્તૃત માહિતી આપી હતી. તેમની જીવંત અને ઉદાહરણસભર રજૂઆતથી સહભાગીઓએ જાણે ઇતિહાસને નજીકથી અનુભવ્યો હોય તેવો અહેસાસ કર્યો હતો.

આ હેરિટેજ વોકને India postના પોસ્ટ માસ્ટર જનરલ રાજકોટ ક્ષેત્રના શ્ર્રી પવનકુમાર ડાલમીયા સાહેબના હસ્તે લીલી ઝંડી બતાવી પ્રસ્થાન કરાવવામાં આવ્યું . આ પ્રસંગે વિશેષમાં  તેમણે આવા કાર્યક્રમોની આવશ્યકતા પર ભાર મૂક્યો અને જણાવ્યું કે, પોતાના શહેરના વારસાને ઓળખવો અને તેનું સંરક્ષણ કરવું દરેક નાગરિકની જવાબદારી છે.

આવા કાર્યક્રમથી વિધ્યાથીઁઓ અને સામાન્ય જનતાનો ઇતિહાસ પ્રત્યે રસ વધે છે અને તેઓ પુસ્તકના જ્ઞાનની બહાર જઈને જીવંત ઇતિહાસનો અનુભવ કરી શકે છે. તેમણે વધુમાં ઉમેર્યું કે, આવા પ્રયાસોથી નગરપ્રેમ, સંસ્કૃતિ જાગૃતિ અને વારસા સંરક્ષણ માટે મહત્વપૂર્ણ સાબિત થાય છે.

હેરિટેજ વોક દરમ્યાન સહભાગીઓએ વિવિધ સ્થળોએ અટકી ઇતિહાસ સાથે જોડાયેલા પ્રશ્નો પૂછ્યા અને ચર્ચાઓમાં સક્રિય ભાગ લીધો, જેના કારણે સમગ્ર કાર્યક્રમ એક જીવંત શૈક્ષણિક અનુભવ બની રહ્યો હતો.

આ સમગ્ર કાર્યક્રમના લીધે શહેરમાં વારસા પ્રત્યે જાગૃતિ ફેલાવવાનો એક સફળ પ્રયાસ સાબિત થયો હતો અને ઉપસ્થિત સહભાગીઓએ તેને ખૂબ જ સરાહનીય ગણાવ્યો હતો. આ હેરિટેજ વોકની નગરજનોની લોકમાંગણી આવશે તો દર મહિને હેરિટેજ વોક કરવામાં આવશે.