તા.૧૯-૯-૨૦૨૪ ના સૌરાષ્ટ્ર યુનિવર્સિટીના આંકડાશાસ્ત્ર ભવનના ઓડિટોરિયમમાં ગુજરાત વિદ્યાસભા પ્રેરિત ડો. મુગટલાલ બાવીસી સુવર્ણચંદ્રક પ્રા.ડો.એસ.વી.જાનીને અર્પણ કરવાનો કાર્યક્રમ યોજાયો હતો.આ સારસ્વત સન્માન કાર્યક્રમની રૂપરેખા,ગુજરાત વિદ્યાસભાનો પરિચય ગુજરાત વિદ્યાસભાના મુખ્ય વહીવટદારશ્રી ધીરેનભાઈ અવાશિયાએ આપેલ હતો.તેમજ કાર્યક્રમનું સફળ અને સુંદર સંચાલન પણ કર્યુ હતું. કાર્યક્રમનો પ્રારંભ સરસ્વતી વંદના દ્વારા થયો હતો. પછીથી પ્રા.ડો.એસ.વી.જાનીનો પરિચય આપી સન્માનપત્ર અર્પણ કરવામાં આવ્યું હતું.ત્યારબાદ ડો.બળવંત જાની જેઓ હાલમાં જનાર્દનરાય નાગર ઉદયપુર યુનિવર્સિટીના કુલાધિપતિ છે. તેમના દ્વારા ડો મુગટલાલ બાવીસી સુવર્ણચંદ્રક પ્રા.ડો.એસ.વી. જાનીને અર્પણ કરાયો હતો. આ પ્રસંગે ડો.બળવંતભાઈ જાની અને સૌરાષ્ટ્ર યુનિવર્સિટીના કુલપતિ શ્રી ડો.કમલસિંહ ડોડીયા એ પ્રાસંગીક વક્તવ્ય આપ્યા હતા.ડો.બળવંત જાની એ ડો.એસ.વી.જાનીનો અધ્યયન,અધ્યાપન અને સંશોધનની યાત્રાની વિસ્તૃત છણાવટ કરી હતી. અને ડો.જાનીને ઇતિહાસના સંશોધનની કામગીરીને બિરદાવી હતી. તેના પ્રત્યુત્તરમાં ડો.એસ.વી.જાની એ ગુજરાત વિદ્યાસભાનો આભાર માનીને પોતાના મંતવ્યો રજુ કર્યા હતા. તેમણે પોતાની આગવી અને લાક્ષણિક શૈલીમાં ઇતિહાસના કેટલાક પ્રસંગો રજુ કરીને યુવા સંશોધકોને આ કામમાં રહેલા ભયસ્થાનો અને સ્થાનિક ભાષાની જાણકારી તથા ઘટનાઓનું તટસ્થ મૂલ્યનિષ્ઠ વિવેચનાત્મક અને વિશ્લેષણાત્મક અર્થઘટન કરવાનું સૂચવ્યું હતું.

આ કાર્યક્રમમાં પ્રા.ડો.એસ.વી.જાનીના ભૂતપૂર્વ વિદ્યાર્થીઓ સૌરાષ્ટ્રમાંથી અનેક જગ્યાએથી આવીને ઉપસ્થિત રહ્યા હતા અને એ રીતે પોતાની લાગણી અને પ્રેમ દર્શાવ્યા હતા. સંપૂર્ણ ઓડિટોરિયમ ઇતિહાસના વિદ્યાર્થીઓ, પ્રાધ્યાપકો, શુભેચ્છકોથી ખીચોખીચ ભરાઈ ગયો હતો. તેમના વક્તવ્ય પછી તેમણે હાજર રહેલા તમામ લોકોએ ઉભા થઈને અભિવાદન કરીને તેમને માન આપ્યું હતું. આ પ્રસંગે જુદી જુદી 42 સંસ્થાઓએ તેમનું સન્માન પત્ર, મોમેન્ટો તથા શાલ ઓઢાડીને અનેકવિધ સંસ્થાઓએ તેમનું સન્માન કર્યુ હતું. વિશેષમાં ઉપરોક્ત ગરીમા પૂર્ણ સમારોહમાં પ્રા.ડો.એસ.વી.જાનીએ સૌરાષ્ટ્રમાં ઇતિહાસ અને પુરાતત્વ વિષયમાં વિવેચનાત્મક અને વિશ્લેષણાત્મક સંશોધન કરનાર સંશોધકને પ્રા.ડો.એસ.વી.જાની સુવર્ણચંદ્રક અર્પણ કરવાની ઘોષણા કરી હતી. જેને સભાગૃહમાં ઉપસ્થિત સર્વેએ તાળીઓના ગડગડાટથી વધાવી લીધી હતી. ઇતિહાસના હાલના અને ભૂતપૂર્વ વિદ્યાર્થીઓએ ડો.એસ.વી. જાની પ્રત્યે પોતાની લાગણી અને પ્રેમ વ્યક્ત કરતા સન્માનરાશી અર્પણ કરી હતી. જે ડો.જાનીએ તે સન્માન રાશી તેમણે જાહેર કરેલ સુવર્ણચંદ્રક માટેની નીધિમાં અર્પણ કરી દીધી હતી.